November 5, 2025

重喺香港演藝學院讀緊書嘅時候我上咗一科，學習用製作PC Game 作為藝術表達嘅方法，而其中一份功課嘅要求係唔可以做一隻係傳統電子遊戲玩法嘅作品，題材不限。個一刻嘅我仍然係好熱愛Field Recording 嘅人，好想利用聲音景觀作為功課嘅主題，但諗咗好耐都未諗得到應該點做。直到有一晚瞓覺，夢見到係一個展覽空間 入面有張枱上面有啲積木，只要我郁動啲積木，唔同聲音原素就會跟住係個空間移動，當刻係個夢入面已經知道我要做一個現實版。